views the best pictures
由認知,到報名,到開始上堂,到真真完成彩油一階,呢個過程真係漫長,好不容易。最初最初我係賣水晶的,但好明白到水晶呢個生意,如果單單只係做一個買賣,係冇得做既, 第一,我資金太少,沒冇錢開鋪頭,冇錢入貴貨,好難俾到信心客人。
第二,就算有鋪, 競爭都好大, 周圍都有,同時亦都見唔少水晶鋪執粒。好多款式亦比較傳統, 年輕人好易會覺得老土,而忽視左水晶其實係好美麗的寶石。
第三, 好多地方都比唔到一個真正專業少少既意見客人,坊間有唔少書,或者網上都有好多水晶既資料,處處的說法都有少少出入,究竟邊個先岩呢??又有冇一個絕對的答案呢????
為左認認真真好做好呢個生意, 我不斷思考, 究竟我應該從邊去學習去令我呢個事業更進一步呢???後來我見好多塔羅占卜的地方都有賣水晶,而自己都對神秘的事好有好奇心, 所以就決定去學塔羅牌喇!!!雖然只係去工聯會上左塔羅初班同進階班,會對塔羅有多一點認識,更膽粗粗約左一班唔相識既網友去占一占,出黎既反應都唔錯,起碼有人話準(可能驚傷害我的小心靈)。
問左當時塔羅牌老師JYOTI,佢提議我學AURA-SOMA,我一睇個學費...嘩!幾千蚊好貴喎....咁就放棄左(我既問題經常離唔開金錢),隔左一段時間我又上左另一個工聯會課程, 就係<色彩與人生>,對色彩有了初步了解,同時間亦學了<靈氣>一階, 對七輪又多了一些認識。上色彩課的時候,老師JYOTI(都係佢^^)推介左我地睇3本書,我買了其中的2本, 一本係<靈魂之鏡>,另一本係<還我本來面目>。
睇完<靈魂之鏡>,令我深深感動, 我都寫了一細段的文章係BLOG分享了少少(真係好少, 成日偷懶)。就係因為咁我決定學AURA-SOMA, 亦係網上搵左我認為適合的老師, 就係呀高- 高明愛喇!!!哈哈!佢係香港之中最好既AURA-SOMA老師(我覺得,因為我冇跟其他人學過,冇得比較:D)
當我決定學的時間,因為岩岩返緊新工,之前的錢又用哂,係出糧與交學費之間都有唔少問題出現,幸好最後解決了,有得上堂!!第一日上堂我就遲到了,得返最後一個位就係正中間,正正的面對呀高, 面對彩油,大家好似唔鍾意對到正一正,但我好喜歡呢個位置的。正正的感覺好好,希望以後都可以坐呢個位。
係第3堂(總共有7堂, 4堂全日,3堂半日),我在做一個練習時,我的感覺係好掛住媽咪,好想喊(但又唔知喊乜鬼)。成個過程我唔詳細講,但我想講既係, 原來一直都唔知自己有呢d問題,依家終於被抽出來了!!!!我買左我當日揀的第2支油:78號瓶(同時又係解救瓶), 然後我再用埋SAPPHIRE BLU既POMANDER保護靈氣, 用黎保護自己氣場。返到屋企睇參考書,原來78號係天蠍座的瓶子~係我的星座,真係好match!!!!!
我係唯一一個學生,之前未試過俾人做consultation 之下學aura-soma,其他同學都係試過俾呀高做consultation的!!!但我覺得就算我未試過, 我都認為係值得學習的。突然好大決心去做一件事呢, 因為學費幾千蚊,唔係平的, 我當時返左半個月工, 一出糧就差唔多全部交哂學費了......平時我做事都係猶疑不決的,哈哈,aura-soma係我學習之前就開始改變我啦~
搽油搽左2個星期,感覺良好,d皮膚仲好似滑左添!感覺到成個人有力量左,有信心左,做事都踏實了,最新參加了一個比賽,我以前係唔敢參加的,係好怕事的人,依家真係大膽左好多!!!
雖然今日係最後一堂,但好肯定我仲會繼續學習的,希望有一日我都成為彩油咨詢師&塔羅師,幫助其他人找出佢既課題甚至人生藍圖。如果大家有興趣對彩油有多d了解我以搵我傾下呀~
再續...
No comments:
Post a Comment